သင်ပေးပါဆရာမ

AGEMASU နဲ့ KUREMASU တို့ရဲ့ခြားနားချက် (သင်ခန်းစာ 33)

ဂျပန်စကားမှာ ပေးတဲ့သူရဲ့နေရာကပြောနေ တာလား။ လက်ခံတဲ့သူရဲ့နေရာကပြောနေတာလားဆိုတာ အပေါ်မူတည်ပြီးတော့ ကြိယာတွေကို ခွဲသုံးတာပါ။ခဲန်းတာ့လိုမျိုး ပြောတဲ့သူက နားထောင်တဲ့သူကိုတစ်ခုခုပေးတဲ့အခါမှာ ပြောတဲ့သူက ပေးတဲ့သူရဲ့ ရှုထောင့်ကနေပြီးတော့ AGEMASU လို့ပြောပါတယ်။ AGEMASU ဆိုတာကို လူတစ်ယောက်က အခြားလူတစ်ယောက်ကို တစ်ခုခု ပေးတဲ့အခါမှာလည်း သုံးပါတယ်။ သတိထားရမှာက AGEMASU ဆိုတာက တစ်ဖက်သားကို အကူအညီပေးတယ်ဆိုတဲ့ အဓိပ္ပာယ်သက်ရောက်နေပါတယ်။ ကိုယ့်ထက်အသက်ဒါမှမဟုတ် ရာထူးကြီးတဲ့သူကို ဒီစကားလုံးသုံးပြီး ပြောမယ်ဆိုရင် မယဉ်ကျေးပါဘူး။ အဲဒီအခါမျိုးမှာ တစ်ဖက်သားကို လေးစားတာကိုဖော်ပြတဲ့အနေနဲ့ SASHIAGEMASU ကိုသုံးပါတယ်။ နောက်တစ်ခုက တစ်ယောက်ယောက်က ကိုယ့်ကို တစ်ခုခု ပေးတယ်ဆိုရင် လက်ခံတဲ့သူဘက်ကနေပြီးတော့ KUREMASU လို့သုံးရပါတယ်။ ဒီတော့ ခဲန်းတာက အန်းနာကို ဓါတ်ပုံပေးလိုက်တဲ့အခါ ခဲန်းတာကို ကတ္တားအနေနဲ့ထားပြီးတော့ KUREMASU လို့ အန်းနာက သုံးလိုက်တာပါ။
ကိုယ်နဲ့နီးစပ်တဲ့ မိသားစုဝင်ထဲက လူတစ်ယောက်ကို တစ်ခြားတစ်ယောက်ယောက်က တစ်ခုခုကိုပေးတာကို ကိုယ်ကပြောတဲ့အခါမှာ KUREMASU ကိုသုံးနိုင်ပါတယ်။ ကိုယ်ပါဝင်တဲ့အုပ်စုထဲလူကို UCHI အတွင်းလူလို့ခေါ်ပါတယ်။
UCHI နဲ့ SOTO ဆိုတာ ဂျပန်စကားကို လေ့လာတဲ့အခါ မသိမဖြစ်တဲ့အရာပါ။ UCHI ဆိုတဲ့ ရင်းနှီးတဲ့လူတွေနဲ့ဆိုရင် တလေးတစားပြောတဲ့စကားလုံးတွေကိုမသုံးဘဲ ပေါ့ပေါ့ပါးပါး ပြောလေ့ရှိပါတယ်။