13 منٹ 34 سیکنڈ

انڈونیشیا میں آفات پر معلومات: ریڈیو توتورا

سنگ سنگ

نشر ہونے کی تاریخ 4 مارچ، 2021 دستیابی کی آخری تاریخ 4 مارچ، 2022

انڈونیشیا کے جزیرے سولاویسی میں قائم توتورا ریڈیو ایک کمیونٹی ریڈیو اسٹیشن ہے۔ اس جزیرے کو 2018 کے زلزلے نے شدید متاثر کیا۔ اس خطے کی تعمیر نو کے بارے میں معلومات فراہم کرنے کے لئے اس اسٹیشن کے قیام میں جاپانی غیر منافع بخش ادارے، ایف ایم وائی وائی نے مدد دی۔ ایف ایم وائی وائی 1995 کے شدید ہانشین آواجی زلزلے کے بعد قائم ہوا جو مغربی جاپان کے کوبے شہر میں کثیر لسانی ریڈیو خدمات پیش کر رہا ہے۔ آفات سے متاثرہ علاقے کے کمیونٹی ریڈیو اسٹیشن کے طور پر اپنے تجربے کا استعمال کرتے ہوئے، یہ انڈونیشیا کے ساتھ بھی پچھلے دس سالوں سے کام کر رہا ہے۔ یہ ملک بھی قدرتی آفات کا شکار رہا ہے۔ اس پروگرام میں جاپانی اور انڈونیشیائی عوام کی ایک کمیونٹی ریڈیو اسٹیشن کے ذریعے بحالی کی جدوجہد کا احوال بتایا جا رہا ہے۔ (یہ پروگرام پہلی بار 13 اگست 2020 کو نشر کیا گیا تھا۔)

photo
توتورا ریڈیو نے سولاویسی کے کاراوانا گاؤں میں نشریات کا آغاز کیا۔
photo
ایف ایم وائی وائی کے ڈائریکٹر ہیبینو جون اِچی (دائیں) نے انڈونیشیائی کمیونٹی ریڈیو کے قیام میں معاونت کی ہے۔
photo
جاوا میں ایک کمیونٹی ریڈیو اسٹیشن چلانے والے سوکیمان موہتر پراتومو بھی رہنمائی دینے کے لئے موجود ہیں۔
photo
توتورا ریڈیو کے ابتدائی اراکین میں شامل دیوی کورنیاوتی، علاقے کے مکینوں سے انٹرویو لے رہی ہیں۔

پروگرام کا خاکہ