“ဟာနဲဒ လေဆိပ်၊ ဟာရာဂျုကု၊ အိဆုကအိချိ ခိုင်းဒို။ ကျွန်တော် ငယ်စဉ်ကတည်းက ဖြတ်သန်းသွားလာခဲ့တဲ့ တိုကျိုက နေရာအမျိုးမျိုး။ ဟာနဲဒ လေဆိပ်က လျှို့ဝှက်ဆန်းကြယ်တဲ့ အရိပ်အငွေ့တွေ လွှမ်းမိုးနေတဲ့ လေဆိပ်စစ်ဆေးရေးအရာရှိ၊ အကြီးအကျယ် ချီးမွမ်းစကားတွေကို တောက်‌လျှောက်လိုက်ပြောနေတဲ့ ဟာရာဂျုကု က အထည်ဆိုင်အရောင်းဝန်ထမ်း၊ ကျွန်တော်ရဲ့ အတိတ်အကြောင်းတွေကို သူ့ဇာတ်ကြောင်းလိုဟန်ဆောင်ပြီး လိမ်လည်ပြောထားတဲ့ အိဆုကအိချိ ခိုင်းဒို မှာနေတဲ့ အထက်တန်းကျောင်းတုန်းက သူငယ်ချင်းဆိုး။. ဒီနေရာတွေတိုင်းမှာ ကျွန်တော်မမေ့နိုင်တဲ့ ဇာတ်ကောင်တွေ ရှိနေပါတယ်”
ဒီတစ်ပတ်မှာတော့ ဂျပန်က နာမည်ကျော်စာရေးဆရာ Matayoshi Naoki ရဲ့လက်ရာ တိုကျိုရဲ့ နေရာပေါင်းစုံနဲ့ ပတ်သက်နေတဲ့ အမှတ်တရတွေကို ဟာသဆန်ဆန်တစ်မျိုး ၊ လွမ်းမောဖွယ် တစ်ဖုံ ၊ သဘာဝလွန်ပုံစံနဲ့တစ်နည်း သရုပ်ဖော်ထားတဲ့ “တိုကျိုမြင်ကွင်း ၁၀၀” အက်ဆေးလက်ရာတွေထဲက အက်ဆေး ၃ ပုဒ်ကို နားဆင်ရမယ်။ “ဟာနဲဒ လေဆိပ် ရှုခင်း”၊ “ဟာရာဂျုကုမှာ လမ်းလျှောက်သွားနေတဲ့ မျက်နှာထားတွေ” နဲ့ “အိဆုကအိချိ ခိုင်းဒို လမ်းရဲ့ မနက်ခင်းရောင်နီ” လို့ အမည်ရတဲ့ အက်ဆေးတွေကို NHK WORLD- JAPAN က ကိုငယ်နဲ့ ကိုမင်းခန့် တို့က တင်ဆက်ပေးမှာပါ။ စောင့်မျှော်နားဆင်အားပေးပါ။