အခုတစ်ကြိမ်မှာတော့ အမေရိကန်နိုင်ငံ ချီကာဂိုအခြေစိုက် အမြတ်အစွန်းပဓာနမထားတဲ့ အဖွဲ့အစည်း MedGlobal ရဲ့ ဥက္ကဋ္ဌ ဖြစ်သူ ဆီးရီးယားနွယ်ဖွား အမေရိကန်နိုင်ငံသား ဆရာဝန် Zaher Sahloul နဲ့ တွေ့ဆုံမေးမြန်းထားပါတယ်။ သူဟာ ယူကရိန်းအပါအဝင် ကမ္ဘာတစ်ဝန်းက ပဋိပက္ခဖြစ်ပွားနေတဲ့ နေရာတွေနဲ့ သဘာဝဘေးဒဏ်ခံရတဲ့ ဒေသတွေမှာ စေတနာ့ဝန်ထမ်းတွေနဲ့ ဆေးဝါးပစ္စည်းတွေ ပေးပို့နေသူလည်း ဖြစ်ပါတယ်။ ဘေးဒုက္ခ အခက်အခဲတွေနဲ့ ကြုံရသူတွေကို ကူညီဖို့အတွက် သော့ချက်တွေနဲ့ပတ်သက်ပြီး မေးမြန်းထားတာကို ဒီအစီအစဉ်မှာ နားဆင်ရပါမယ်။