စာလုံး ၁၇ လုံးနဲ့ ကမ္ဘာကြီးကို ပေါင်းစည်းခြင်း− ကပ်ရောဂါကာလတွင်းက ဟိုက်ကုကဗျာများ
စာလုံးလေး ၁၇ လုံးနဲ့ ရေးဖွဲ့ထားတဲ့ Haiku ကဗျာတွေရဲ့ စွမ်းအားဟာ ကမ္ဘာတစ်ဝန်း အထိနာမည် ကြီးပါတယ်။ ၂၀၂၁ ခုနှစ်က haiku ကဗျာကို "Life" “ဘဝ” ဆိုတဲ့ ခေါင်းစဉ်နဲ့ ဘာသာစကားပေါင်းစုံနဲ့ ရေးဖွဲ့ ခဲ့ကြပါတယ်။ အဲဒီကဗျာတွေကတစ်ဆင့် နိုင်ငံပေါင်းစုံက လူတွေနဲ့ အတွေးအမြင်တွေကို ဖလှယ်ခဲ့ကြပါတယ်။ ပဋိပက္ခတွေ၊ ဘေးအန္တရာယ်တွေနဲ့ COVID-19 ကူးစက်မှု ကပ်ရောဂါတွေကြားမှာ လူတွေဟာ သူတို့ရဲ့ အတွေးတွေကို ကဗျာနဲ့ ဘယ်လို ပုံဖော်ခဲ့ကြပါသလဲ။ စီစဉ်သူ ကဗျာဆရာ Mayuzumi Madoka ရဲ့လက်ရာတွေနဲ့အတူ နိုင်ငံအသီးသီးက ရေးဖွဲ့ထားတဲ့ ဟိုက်ကုကဗျာတွေကို ဒီအစီအစဉ်မှာ နားဆင်ကြရပါမယ်။ (၂၀၂၂ ခုနှစ်၊ ဖေဖော်ဝါရီလ ၂၃ ရက်နေ့က ထုတ်လွှင့်ခဲ့တဲ့ အစီအစဉ် ဖြစ်ပါတယ်။)
ဟိုက်ကု ကဗျာဆရာ Mayuzumi Madoka က ကမ္ဘာတစ်ဝန်းက ဟိုက်ကု ဝါသနာရှင်တွေကို ဟိုက်ကုကဗျာတွေ ရေးပို့ကြဖို့ ဖိတ်ခေါ်ခဲ့ပါတယ်။ နိုင်ငံပေါင်း ၃၆ နိုင်ငံကနေ ဟိုက်ကုကဗျာပေါင်း ၁,၀၀၀ ကျော် ပေးပို့လာခဲ့ပါတယ်။
World Online Kukai ဆိုတဲ့ နာမည်နဲ့ တစ်ကမ္ဘာလုံးကနေ တက်ရောက်ကြတဲ့ အွန်လိုင်းဟိုက်ကုပွဲတော်ကို ၂၀၂၁ ခုနှစ် ဒီဇင်ဘာလမှာ ကျင်းပခဲ့ပါတယ်။
ကမ္ဘာ့နိုင်ငံအသီးသီးကနေ သူတို့ရဲ့ ဘာသာစကားတွေနဲ့ ဟိုက်ကုကဗျာတွေ ရေးသားခဲ့ကြပါတယ်။ NHK WORLD-JAPAN က မစ္စတာ Mayuzumi ရဲ့ ပရောဂျက်မှာ ပူးပေါင်းပြီး ဟိုက်ကုကဗျာတွေ ရေးပို့ကြဖို့ ရေဒီယိုသောတရှင်တွေကိုလည်း ဖိတ်ခေါ်ခဲ့ပါတယ်။