Radio TOMO
ဒီတစ်ကြိမ်အစီအစဉ်မှာ ဖူကုအိုက မြို့မှာ နိုဝင်ဘာလ ၂၉ ရက်နေ့က ကျင်းပခဲ့တဲ့ Culture Show 2020 ပွဲတော်အကြောင်း တင်ဆက်ပေးမှာပါ။ အဲဒီပွဲတော်မှာ မြန်မာအပါအဝင် နိုင်ငံပေါင်း ၈ နိုင်ငံက ပါဝင် ဆင်နွှဲခဲ့ကြပါတယ်။ ပွဲတော်ကို ဖူကုအိုက နိုင်ငံတကာကျောင်းသားများအဖွဲ့ (FOSA) က စီစဉ်ကျင်းပတာ ဖြစ်ပါတယ်။ အဲဒီပွဲတော်မှာ မြန်မာနိုင်ငံကိုယ်စားပြု ကျောင်းသားတစ်ဦးက မဟာဂီတ သီချင်းကြီးကို စောင်းနဲ့ သီဆိုပြီး ပါဝင်ဆင်နွှဲခဲ့ပါတယ်။ စောင်းတီးခတ်ပေးသူကတော့ ဂျပန်လူမျိုး ဆရာမဖြစ်ပါတယ်။ ပွဲတော်တွင်း ဖျော်ဖြေမှုတွေနဲ့ စောင်းတီးခတ်ပေးသူ ဆရာမ၊ သီဆိုဖျော်ဖြေခဲ့သူ ကိုညီညီထွန်း၊ သွားရောက်အားပေးကြည့်ရှုခဲ့ကြတဲ့ မြန်မာပရိသတ်တွေကို ပွဲတော်မှာ ပါဝင်ခဲ့တဲ့ အတွေ့အကြုံနဲ့ ခံစားချက်တွေကို မေးမြန်းထားပါတယ်။ အားပေးနားဆင်ပါနော်။
ဂျပန်ဆရာမ Sae Matsumoto နှင့် ကိုညီညီထွန်းတို့ ဖျော်ဖြေနေစဉ််
ကိုစိုးသက်နောင်ဝင်း၊ ကိုဟန်မင်းဦး၊ ကိုညီညီထွန်း၊ မီးစ် Sae Matsumoto၊ ကိုမင်းနောင်ကို၊ ကိုအောင်မိုးကြည် (ဝဲမှယာ)
Culter Show 2020 Smiles Under the Masks ပွဲတော်မှာ ပါဝင်ဖျော်ဖြေ ဆင်နွှဲခဲ့ကြတဲ့ နိုင်ငံ ၈ နိုင်ငံမှ ကျောင်းသူကျောင်းသားများ