အထူးအစီအစဉ် "မေးခွန်းတွေကို ဖြေပေးမယ်" အပိုင်း −(၁)
"လွယ်ကူသော ဂျပန်စကား" သင်ခန်းစာ ရဲ့ အထူးအစီအစဉ် အပိုင်း(၁) ဖြစ်ပါတယ်။ အစီအစဉ် ပထမပိုင်းမှာ ပြည်ပက သောတရှင်တွေဆီက မေးခွန်းတွေကို ပြန်လည်ဖြေကြားပေးထားပါတယ်။ လွယ်ကူသော ဂျပန်စကား သင်ခန်းစာတွေကို ဘယ်လိုအသုံးချပြီး ဂျပန်စာကို လေ့လာမယ် ဆိုတာကို တင်ဆက်ပေးမှာဖြစ်ပါတယ်။ အိန္ဒိယက သောတရှင် သားအဖနှစ်ဦးက ဂျပန်စကားကို လေ့လာသင်ယူရတာ တကယ်သဘောကျတယ်လို့ ပြောပါတယ်။ ဘရာဇီးမှာ ဂျပန်စာသင်ကြားနေတဲ့ ပါမောက္ခတစ်ဦးကလည်း အလယ်တန်းနဲ့အထက်တန်း ကျောင်းသားကျောင်းသူတွေကို သင်ကြားနေတဲ့ အွန်လိုင်းအတန်းကနေ "လွယ်ကူသော ဂျပန်စကား"သင်ခန်းစာတွေကို ဘယ်လိုအသုံးချတယ်ဆိုတာကို ပြောပြပါတယ်။ ကပ်ရောဂါ ကာလအတွင်း မရေရာ မသေချာမှုတွေရှိနေပေမဲ့လည်း ကြိုးစားပြီး ဂျပန်စကားကို သင်ယူနေကြတဲ့ သူ့ရဲ့ ကျောင်းသားကျောင်းသူတွေနဲ့လည်း မိတ်ဆက်ပေးမှာပါ။ အစီအစဉ်နောက်ပိုင်းမှာတော့ ဂျပန်ဖောင်ဒေးရှင်းက Fujinaga Kaoru က ဂျပန်စာ ကိန်းဂဏန်းနဲ့ အက္ခရာတွေအပြင် ဂျပန်စာနဲ့ပတ်သက်တဲ့ မေးခွန်းတွေကို ပြန်ဖြေကြားတာကို လည်းနားဆင်ကြရမှာပါ။ (၂၀၂၁ ခုနှစ်၊ စက်တင်ဘာလ ၂၀ ရက်နေ့က ထုတ်လွှင့်ခဲ့တဲ့ အစီအစဉ် ဖြစ်ပါတယ်။)
Pratyancha နဲ့ သူ့ရဲ့ မှတ်စုစာအုပ်
မစ္စတာ KC Palနဲ့ သမီးဖြစ်သူ Pratyancha
Rio de Janeiro ပြည်နယ်တက္ကသိုလ်က ဧည့်ပါမောက္ခ Fujiwara Mari
"လွယ်ကူသော ဂျပန်စကား" အင်တာနက် စာမျက်နှာကို သွားချင်ရင် ဒီနေရာကို နှိပ်ပါ။