12မိနစ် 48စက္ကန့်

Tottori - ကဏန်း ချစ်သူတို့ ပျော်ရွှင်ရာမြေ

အံ့ဖွယ်ဂျပန်ပြည်မှ ကြိုဆိုပါတယ်

ထုတ်လွှင့်သည့်ရက် ဇန်နဝါရီလ 6, 2022 ကြည့်ရှုနားဆင်နိုင်မည့် နောက်ဆုံးရက် ဇန်နဝါရီလ 6, 2023

ဂျပန်မှာ Tottori ခရိုင်ဟာ နံပါတ်တစ် ကဏန်းအများဆုံးဖမ်းယူရရှိတဲ့ ခရိုင်ဖြစ်ပါတယ်။ ဒေသတွင်းက Matsuba လို့ခေါ်တဲ့ တန်ဖိုးကြီး Snow Crab နှင်းကဏန်းနဲ့ စျေးနှုန်းသက်သာတဲ့ Red Snow Crab အနီရောင် နှင်းကဏန်းတွေက အထူးရေပန်းစား လူကြိုက်များပါတယ်။ ဆောင်းရာသီမှာပဲ အရသာအကောင်းဆုံးခံစားနိုင်တဲ့ ကဏန်းကို မြည်းစမ်းဖို့ ခရီးသွားအများအပြားဟာ အဲဒီ ခရိုင်ကို လာရောက်လည်ပတ်ကြပါတယ်။ ဒီအစီအစဉ်မှာတော့ မစ္စတာ Daniel Woolpert က အဝစား နေ့လယ်စာကစပြီး တန်ဖိုးကြီး ညစာအထိ အမျိုးမျိုးအဖုံဖုံချက်ပြုတ်ထားတဲ့ ဆောင်းရာသီရဲ့ ရာသီစာ ကဏန်းဟင်းလျာတွေနဲ့ မိတ်ဆက်ပေးမှာပါ။ သူက ဖောက်သည်တွေကို ဂျပန်ကာတွန်း မန်းဂဇာတ်ကောင်တွေနဲ့ ဆွဲဆောင်နေတဲ့ စျေးလမ်းတစ်ဝိုက်ကိုလည်း သွားလည်ခဲ့ပါသေးတယ်။ Tottoriက စိတ်ဝင်စားဖွယ် အကြောင်းအရာတွေကို နားဆင်ကြည့်ပါ။ (၂၀၂၁ ခုနှစ်၊ ဒီဇင်ဘာလ ၁၆ ရက်နေ့က ထုတ်လွှင့်ခဲ့တဲ့ အစီအစဉ် ဖြစ်ပါတယ်။)

photo
မစ္စတာ Daniel Woolpert
photo
Tottori အနောက်မြောက်ဘက်စွန်းက Sakaiminato မြို့မှာရှိတဲ့ Sakai ငါးဖမ်းဆိပ်ကမ်းဟာ ဂျပန်နိုင်ငံမှာ အနီရောင်နှင်းကဏန်းတွေ အများဆုံးဖမ်းမိတဲ့ ဆိပ်ကမ်း ဖြစ်ပါတယ်။
photo
Mizuki Shigeru စျေးလမ်းဟာ ဒီမြို့မှာ ကြီးပြင်းခဲ့တဲ့ ဂန္တဝင် မန်းဂ ကာတွန်းဆရာကြီး Mizuki Shigeru ရဲ့ လက်ရာတွေကို ပြသထားပြီး သူ့ကြောင့် လူလာများတဲ့အတွက် ပြန်လည်အသက်ဝင်လာတဲ့ စျေးဝယ်နေရာတစ်ခု ဖြစ်ပါတယ်။ JR Sakaiminato ဘူတာကနေ မီတာ ၈၀၀ လောက် အဝေးကြီးအထိ ကာတွန်းဆရာကြီး Mizuki ရဲ့လက်ရာတွေထဲက Yokai လို့ခေါ်တဲ့ ဘီလူးတစ္ဆေ ပုံကြေးရုပ်တု ၁၇၇ ခုကို စီတန်း ပြသထားပါတယ်။
photo
Misasa ရေပူစမ်းဟာ Tottori အလယ်ပိုင်းက တောင်တန်းတွေကြားမှာ တည်ရှိပြီး ရှေးအရင်ကတည်းက ရေပူစမ်းနဲ့ ဆေးကုတဲ့နေရာ လို့ခေါ်တဲ့ နာမည်ကြီး အပန်းဖြေ တည်းခိုခန်း တစ်ခုဖြစ်ပါတယ်။ အဲဒီ ရေပူစမ်းက ရေကိုနေ့စဉ် စိမ်ရင် "တတိယနေ့မနက်မှာ မိမိမှာရှိတဲ့ရောဂါကို ပျောက်ကင်းစေတယ်" လို့ ဆိုကြပါတယ်။ လာတဲ့ ဧည့်သည်တွေဟာ တည်းခိုခန်းမှာလာတည်းရင်းနဲ့ အရသာရှိတဲ့ နှင်းကဏန်းညစာကိုလည်း သုံးဆောင် နိုင်ပါတယ်။

အစီအစဉ်မိတ်ဆက်