13မိနစ် 33စက္ကန့်

စုပေါင်းအိမ်မှာ မျှဝေယှဉ်တွဲနေထိုင်ခြင်း

ဘဝဇာတ်စုံအဖုံဖုံ

ထုတ်လွှင့်သည့်ရက် ဇန်နဝါရီလ 4, 2022 ကြည့်ရှုနားဆင်နိုင်မည့် နောက်ဆုံးရက် ဇန်နဝါရီလ 4, 2023

ဂျပန် အနောက်ပိုင်းဒေသ ကျူးရှူး မှာရှိတဲ့ ဖုကုအိုက ခရိုင်ကလာတဲ့ ဇာတ်လမ်းတစ်ပုဒ်ပါ။ အိမ်တစ်အိမ်မှာ မသန်စွမ်းသူတွေ အတူစုပြီးနေထိုင်ကြတယ်ဆိုတာ ဂျပန်မှာအတော်ကိုရှားပါးပါတယ်။ အဲဒီလို မသန်စွမ်းသူတွေ စုပြီးနေတဲ့ အိမ်ကို ဂျပန်လို Hatake no Ie လို့ ခေါ်ပါတယ်။ အဲဒီ စုပေါင်းအိမ်မှာ နေထိုင်တဲ့ လူငယ် ၄ဦးလုံးဟာ တခြားသူတစ်ဦးဦးရဲ့ အကူအညီမပါဘဲနဲ့ ဆက်သွယ်သွားလာဖို့တောင် ခက်ခဲတဲ့ ဆိုးဆိုးရွားရွား မသန်စွမ်းသူတွေ ဖြစ်ပါတယ်။ ဒီမသန်စွမ်းသူ လူငယ်လေးတွေ တစ်ဦးနဲ့တစ်ဦး ရိုင်းပင်းကူညီပြီး ဘယ်လိုတွေ ရှင်သန်နေထိုင်နေကြသလဲ ဆိုတာ နားဆင်ပါ။ (၂၀၂၁ ခုနှစ်၊ ဒီဇင်ဘာလ ၁၄ ရက်နေ့က ထုတ်လွှင့်ခဲ့တဲ့ အစီအစဉ် ဖြစ်ပါတယ်။)

မီးစ် Mizuno Hikari ဟာ Hatake no Ie အိမ်မှာစုပေါင်း နေထိုင်ခဲ့တာ ၂နှစ်ရှိပြီ ဖြစ်ပါတယ်။ cerebral palsy ဦးနှောက်အကြောသေရောဂါ ခံစားနေရတဲ့ သူဟာ ဘဝတစ်လျှောက်လုံး တခြားသူတွေနဲ့ အကန့်အသတ်နဲ့ပဲ ဆက်ဆံနိုင်ပြီး အိမ်နဲ့ ဆေးရုံမှာပဲ တလှည့်စီ နေထိုင်ခဲ့ရပါတယ်။

Hikari ရဲ့ ဖခင်က ဒီစုပေါင်းအိမ်လို့ခေါ်တဲ့ “ Hatake no Ie ” ကိုဖွင့်ဖို့ ကြိုးပမ်း ဦးဆောင်ခဲ့သူပါ။ ဒီအိမ်လေးမှာ လူတွေ အမျိုးမျိုး တွေ့ဆုံပြီး အပြုသဘောဆောင်တဲ့ အရာတွေ မွေးဖွားလာအောင် ဖန်တီးပေးတဲ့ နေရာလေးတစ်ခုဖြစ်ဖို့ သူက ရည်ရွယ်လုပ်ဆောင်ခဲ့တာ ဖြစ်ပါတယ်။

အိမ်နီးချင်း အမျိုးသမီးတွေက နေ့လယ် ထမင်းစားချိန်မတိုင်ခင် “ Hatake no Ie ” ရောက်လာကြပါတယ်။ Sewanin လို့ခေါ်တဲ့ ပြုစုစောင့်ရှောက်သူတွေက အချက်အပြုတ်၊ အလျှော်အဖွတ်စတဲ့ ဝေယျာဝစ္စတွေကို နေ့စဉ်အလှည့်ကျ သင့်တင့်တဲ့ အခကြေးငွေပဲ ယူပြီး ကူညီလုပ်ကိုင်ပေးတာဖြစ်ပါတယ်။

မစ္စတာ Fukagawa Yusei ကတော့ လတ်တလော ကမှ“ Hatake no Ie ” အိမ်ကို ပြောင်းလာသူ ဖြစ်ပါတယ်။ ဒီအိမ်မှာ လူပေါင်းစုံနဲ့ ပေါင်းသင်းဆက်ဆံမှုတွေက ဒီလူငယ် ၄ဦးရဲ့ ရုပ်ပိုင်းဆိုင်ရာကို ဖွံ့ဖြိုးတိုးတက်လာစေပါတယ်။

စုပေါင်းအိမ်မှာ မျှဝေယှဉ်တွဲနေထိုင်ခြင်း

ဘဝဇာတ်စုံအဖုံဖုံ

အစီအစဉ်မိတ်ဆက်