ဘဝဇာတ်စုံ အဖုံဖုံ အစီအစဉ်ကနေ ဂျပန်နိုင်ငံအနှံ့ရှိ နယ်ပယ်အသီးသီးက အတွေ့အကြုံမျိုးစုံကြွယ်ဝတဲ့သူတွေရဲ့ ဘဝတွေအကြောင်းကို တင်ဆက်ပေးနေရာမှာ ဒီနေ့တော့ ဂျပန်နိုင်ငံအနောက်ပိုင်းက ရှေးဟောင်းမြို့တော် နာရာ က ဂေးကို အကြောင်း နားဆင်ရမှာပါ။ နာရာအပါအဝင် ကန်ဆိုင်းဒေသမှာ ဂေးရှာမယ်တွေကို ဂေးကို လို့ ခေါ်ကြပါတယ်။ သူတို့ တတွေဟာ ရိုးရာတေးသီချင်း အက နဲ့ ရှာမိစဲန်း လို့ခေါ်တဲ့ ကြိုးသုံးချောင်းတပ်တူရိယာကို တီးခတ်ကာ ဧည့်သည်တွေကို ဖျော်ဖြေတဲ့အလုပ်ကို လုပ်ကြတဲ့ အမျိုးသမီးတွေပါ။ အဲဒီရိုးရာအစဉ်အလာ ဆက်လက်ရှင်သန်ရေးအတွက် အနာဂတ်မျိုးဆက်ဆီ လွှဲပြောင်းပေးဖို့ ကြိုးပမ်းနေတဲ့ နာရာ က ဂေးကိုတစ်ယောက်ဖြစ်တဲ့ ခိခုနို ရဲ့ ဘဝအကြောင်း တစ်စေ့တစ်စောင်းကို နားဆင်ရမှာပါ။
(၂၀၂၀ ပြည့်နှစ်၊ ဇူလိုင်လ ၂၁ ရက်နေ့က ထုတ်လွှင့်ခဲ့တဲ့ အစီအစဉ် ဖြစ်ပါတယ်။)

ခိခုနို ဟာ နာရာ မှာ ဂေးကို အဖြစ် အလုပ်လုပ်ကိုင်နေခဲ့ပါတယ်။ ခိခုနို(ဝဲ) ဟာ သူ့ထက်ဝါရင့်သူတွေဆီကနေ လေ့လာသင်ယူခဲ့တဲ့ အရည်အသွေးတွေကို ငယ်ရွယ်တဲ့ တပည့်တွေကို လက်ဆင့်ကမ်းနိုင်ဖို့ လေ့ကျင့်ပေးပါတယ်။ ခိခုနို (အလယ်) ဟာ သူ့ရဲ့တပည့်တွေနဲ့အတူ စင်မြင့်ထက်မှာ ကပြဖျော်ဖြေ နေပါတယ်။