ထုတ်လွှင့်သည့်ရက် နိုဝင်ဘာလ 10, 2020
ကြည့်ရှုနားဆင်နိုင်မည့် နောက်ဆုံးရက် နိုဝင်ဘာလ 10, 2021
အာဖရိကနိုင်ငံ တစ်နိုင်ငံကလာတဲ့ မစ္စတာ Oussouby Sacko ဟာ ဂျပန်နိုင်ငံက တက္ကသိုလ်တစ်ခုမှာ ပထမဆုံး ကျောင်းအုပ်ကြီး ဖြစ်လာသူပါ။ မစ္စတာ Oussouby Sacko ဟာ ဂျပန်ကျောင်းသူ၊ ကျောင်းသားတွေနဲ့ နိုင်ငံခြားကလာတဲ့ ကျောင်းသူ၊ ကျောင်းသားတွေအကြား မတူကွဲပြားမှုတွေကို အပြန်အလှန်နားလည်မှု ရရှိစေရေး ပျိုးထောင်ပေးလာခဲ့ပါတယ်။ သူ့ရဲ့ အချိန်ပေး ကြိုးပမ်းအားထုတ်မှုတွေရဲ့ ကျေးဇူးကြောင့် တက္ကသိုလ်မှာ ကျောင်းသူ၊ ကျောင်းသားတွေလည်း တိုးလာနေပါတယ်။ ဒါပေမဲ့ ကိုရိုနာဗိုင်းရပ်စ် ကပ်ရောဂါကြီးကြောင့် မတူကွဲပြားမှုတွေကို နားလည်အောင် သင်ကြားပေးမယ့်တက္ကသိုလ်ဖွင့်ချင်တဲ့ သူ့ရဲ့ ရည်မှန်းချက်အတိုင်း ဆက်လုပ်ဖို့ဆိုတာ အခက်အခဲ တွေလည်း ကြုံတွေ့နေရပါတယ်။ အစီအစဉ်မှာ နားဆင်ကြည့်ပါ။
(၂၀၂၀ ပြည့်နှစ်၊ အောက်တိုဘာလ ၂၇ ရက်နေ့က ထုတ်လွှင့်ခဲ့တဲ့ အစီအစဉ် ဖြစ်ပါတယ်။)
မာလီနိုင်ငံမှာ မွေးဖွားတဲ့ မစ္စတာ Oussouby Sacko ဟာ ၂၀၁၈ ခုနှစ်က တက္ကသိုလ်ရဲ့ ကျောင်းအုပ်ရာထူးအတွက် ဂျပန်လူမျိုး ပါမောက္ခ ၂ ဦးနဲ့ ယှဉ်ပြိုင်ခဲ့ရာမှာ သူ ရွေးချယ်ခံခဲ့ရပါတယ်။
မစ္စတာ Sacko ဟာ ၁၉၉၁ ခုနှစ်မှာ ဂျပန်နိုင်ငံကို ရောက်လာခဲ့ပြီး ကျိုတိုတက္ကသိုလ်မှာ လူမှုဆက်ဆံရေးကို အားပေးတဲ့ နေရာဖန်တီးဖို့ သုတေသန ပြုလုပ်ပြီး မဟာဘွဲ့ ရယူခဲ့ပါတယ်။
မစ္စတာ Sacko ဟာ ကိုယ်တိုင်ရလာတဲ့အတွေ့အကြုံကနေ သင်ယူရတာလောက် ကောင်းတာမရှိဘူးလို့ အခိုင်အမာ ယုံကြည်ထားသူပါ။ ဒီအချက်ဟာလည်း ကျောင်းသူ၊ ကျောင်းသားတွေနဲ့ အပြန်အလှန်ဆက်သွယ်ပြောဆိုမှုတွေကနေ သူ သင်ယူရရှိ ခဲ့တာ ဖြစ်ပါတယ်။