13မိနစ် 47စက္ကန့်

Hanshin-Awaji မဟာငလျင်ကြီးက ရတဲ့ သင်ခန်းစာ

BOSAI

ထုတ်လွှင့်သည့်ရက် မတ်လ 2, 2022 ကြည့်ရှုနားဆင်နိုင်မည့် နောက်ဆုံးရက် မတ်လ 2, 2023

၁၉၉၅ ခုနှစ်က ဂျပန်နိုင်ငံအနောက်ပိုင်း Osaka-Kobe မြို့တော်ဧရိယာကို ဗဟိုပြုပြီး Hanshin-Awaji မဟာငလျင်ကြီး လှုပ်ခတ်ခဲ့တာကြောင့် မကြုံစဖူး ပျက်စီးဆုံးရှုံးတွေ ဖြစ်ခဲ့ရပါတယ်။ ဒီမဟာငလျင်ကြီးကြောင့် လူတွေဟာ အသက်ရှင်ကျန်ရစ်သူတွေရဲ့ လိုအပ်ချက်တွေနဲ့ပတ်သက်ပြီး အတွေးများစွာ ဖြစ်စေခဲ့ပါတယ်။ ငလျင်ဒဏ်ခံခဲ့ရတဲ့ နိုင်ငံခြားသား နေထိုင်သူတွေအတွက် စိတ်ခွန်အားပေးဖို့ ဘာသာစကားပေါင်းစုံနဲ့ ထုတ်လွှင့်တဲ့ ရေဒီယိုအသံလွှင့်ဌာနတစ်ခု ပေါ်လာခဲ့ပါတယ်။ ဒီရေဒီယို ဝန်ဆောင်မှု စတင်ဖြစ်ခဲ့ပုံနဲ့ လက်ရှိမှာ ဘယ်လို လည်ပတ်ထုတ်လွှင့်နေသလဲ ဆိုတာကို နားဆင်ကြည့်ကြရအောင်။ (၂၀၂၂ ခုနှစ်၊ ဖေဖော်ဝါရီလ ၁၆ ရက်နေ့က ထုတ်လွှင့်ခဲ့တဲ့ အစီအစဉ် ဖြစ်ပါတယ်။)

photo
ပီရူးနိုင်ငံဖွား Oshiro Roxana ဟာ နိုင်ငံခြားသား နေထိုင်သူတွေအတွက် စပိန်ဘာသာစကား ရေဒီယို အစီအစဉ်ကို ကြီးကြပ်သူ ဒါရိုက်တာအဖြစ် တာဝန်ထမ်းဆောင်နေပါတယ်။
photo
မဂ္ဂနိကျု ၇.၃ ပြင်းအားရှိတဲ့ ကုန်းတွင်းငလျင်ကြီးကြောင့် မြို့တွင်းက လုပ်ငန်းလည်ပတ်မှုတွေ ပြတ်တောက်သွားခဲ့ပါတယ်။
photo
ငလျင်လှုပ်ပြီး နှစ်ပတ်အကြာမှာ အသက်ရှင်ကျန်ရစ်သူတွေအတွက် ကယ်ဆယ်ရေးပစ္စည်းတွေနဲ့ ပူပူနွေးနွေး အစားအစာတွေကို ဘယ်အချိန်၊ ဘယ်နေရာမှာ ရရှိနိုင်တယ် စတဲ့ ဒေသဆိုင်ရာ အသေးစိတ်အချက်အလက်တွေကို အဲဒီ ရေဒီယိုအသံလွှင့်ဌာနကနေ စတင်ထုတ်လွှင့်ခဲ့ပါတယ်။
photo
မီးစ် Kim Chiaki ဟာ အဲဒီရေဒီယိုအသံလွှင့်ဌာနမှာ လုပ်ဆောင်ရင်းနဲ့ “အကူအညီပဲ ရယူနေရုံမဟုတ်ဘဲ အပြန်အလှန်ကူညီတတ်ပြီး ကိုယ်ချင်းစာစိတ်လည်းရှိတဲ့ နိုင်ငံခြားသား နေထိုင်သူတွေလည်း ရှိတယ်” ဆိုတာကို နားလည်ခံစားမိလာခဲ့ပါတယ်။

အစီအစဉ်မိတ်ဆက်