ဒီနေ့အစီအစဉ်မှာ ယဉ်ကျေးမှုပေါင်းစုံနဲ့ ဓလေ့ထုံးစံ အမျိုးမျိုးရှိသူတွေကို သဘာဝဘေးအန္တရာယ်တွေကနေ ကာကွယ်စောင့်ရှောက်ရေး နည်းလမ်းတွေကို စဉ်းစားမှာ ဖြစ်ပါတယ်။ ၁၉၉၅ ခုနှစ်က ကိုဘေးမှာဖြစ်ပွားခဲ့တဲ့ ဟန်ရှင်းမဟာငလျင်ကြီးကို အစပြုပြီး ဂျပန်မှာနေထိုင်ကြတဲ့နိုင်ငံခြားသားတွေ အတွက် ရေဒီယိုဆက်သွယ်ရေး အဖွဲ့အစည်းတွေ ထွက်ပေါ်လာခဲ့ပါတယ်။ ဘာသာစကားအမျိုးမျိုးရဲ့ ကိုယ်စားပြုအဖွဲ့အစည်း အသီးသီးကနေ သဘာဝဘေး အန္တရာယ်ကာကွယ်ရေး BOSAI အတွက် လှုပ်ရှားမှုတွေ လုပ်ကိုင်လာခဲ့ပါတယ်။ ကိုဘေးမြို့ကလူတွေ ရင်ဆိုင်ခဲ့ရတဲ့ အတွေ့အကြုံတွေနဲ့ လုပ်ကိုင် လှုပ်ရှားမှုတွေဟာ တူညီတဲ့အခက်အခဲတွေရှိတဲ့ ဂျပန်နိုင်ငံနေရာအနှံ့အပြားမှာ နေထိုင်ကြသူတွေနဲ့ ကမ္ဘာ့နိုင်ငံအသီးသီးက လူတွေအတွက်အများကြီးအထောက်အကူဖြစ်စေပါတယ်။
(၂၀၁၉ ခုနှစ် ဇန်နဝါရီ ၁၆ ရက်နေ့က ထုတ်လွှင့်ခဲ့တဲ့ အစီအစဉ်ပါ)

၁၉၉၅ ခုနှစ် ကိုဘေးငလျင်ကြီးဖြစ်ပွားခဲံပြီးတဲ့နောက် စတင်ဖွဲ့စည်းခဲ့တဲ့ "FMYY" အသံသွင်းနေပုံ။ စပိန်ဘာသာပြောဆိုသူများအဖွဲ့မှာ လှုပ်ရှားလုပ်ကိုင်နေသူ Roxana Oshiro နဲ့အတူ လုပ်အားပေးဂျပန်လူမျိုးများကလည်း ရေဒီယိုမှာ အတူပါဝင်ပြီး အပတ်စဉ် BOSAI အကြောင်းကို အင်တာနက်မှ တိုက်ရိုက်အသံလွှင့်တင်ဆက်နေပုံ။ Comunidad Latina Hyogo ကော်မတီအဖွဲ့အစည်းက ဦးဆောင်ပြီး ဂျပန်လူမျိုးတွေနဲ့ တောင်အမေရိကသွေးစပ်သူ ဂျပန်လူမျိုးတွေအတူ ပူးပေါင်းပြီးပြုလုပ်တဲ့ BOSAI ခရစ်စမတ် ပါတီပွဲကို ဒေသခံ ၁၀၀၀ ပါဝင်ဆင်နွှဲခဲ့ပါတယ်။ ယဉ်ကျေးမှုပေါင်းစုံ သဟမျှတစွာနေထိုင်ရေးကို လုပ်ကိုင်ဆောင်ရွက်သူ နာဂိုယာတက္ကသိုလ် နိုင်ငံခြားဘာသာဌာနက ပါမောက္ခ ရှီဇုယို ယိုရှိမိုတို(ဝဲ)