နာဂိုယာ မြို့ရဲ့ COVID-19 သတင်းပြန်ကြားရေးမှာ နိုင်ငံခြားသား ကျောင်းသားတွေ ပါဝင်ကူညီ

နိုင်ငံခြားသား ကျောင်းသားတွေရဲ့ ပူးပေါင်းပါဝင်မှုနဲ့ ဂျပန်အလယ်ပိုင်းက နာဂိုယာ မြို့မှာ ကိုရိုနာဗိုင်းရပ်စ်ဆိုင်ရာ သတင်းအချက်အလက်တွေကို ဘာသာစကား ၆မျိုးနဲ့ ဝန်ဆောင်မှုပေးတဲ့ စီမံကိန်းကို စတင်လိုက်ပါတယ်။

အိုင်းချိ ခရိုင်ထဲက အဲဒီ မြို့မှာ ကိုရိုနာဗိုင်းရပ်စ်ကူးစက်မှုတွေ ဆက်လက်ဖြစ်ပေါ်နေတာကြောင့် ဒီစီမံကိန်းကို စတင်ခဲ့တာ ဖြစ်ပါတယ်။ အဲဒီ ခရိုင်ဟာ လက်ရှိမှာ ကိုရိုနာဗိုင်းရပ်စ်ဆိုင်ရာ အရေးပေါ်အခြေအနေ အောက်မှာပဲ ရှိနေပါသေးတယ်။
နာဂိုယာ တက္ကသိုလ်က နိုင်ငံတကာ ကျောင်းသား ၂၀လောက်ဟာ "နာဂိုယာ ဘာသာစကားစုံ အချက်အလက် ပံ့ပိုးသူများ" အဖြစ် အဲဒီ စီမံကိန်းမှာ ပူးပေါင်း ပါဝင်ခဲ့ပါတယ်။
ကျောင်းသားတွေက အဲဒီစီမံကိန်းရဲ့ Facebook စာမျက်နှာမှာ ရောဂါကူးစက်မှု တိုက်ဖျက်ရေး စီမံချက်ဆိုင်ရာ သတင်းအချက်အလက်တွေနဲ့ အရေးပေါ် အခြေအနေဆိုင်ရာ မြို့ရဲ့ တုံ့ပြန်ဆောင်ရွက်မှုတွေနဲ့ ပတ်သက်ပြီး အင်္ဂလိပ်၊ တရုတ်၊ ကိုရီးယား၊ ဗီယက်နမ်၊ အင်ဒိုနီးရှား၊ မွန်ဂိုလီးယား ဘာသာစကားတွေနဲ့ တင်ပေးမှာ ဖြစ်ပါတယ်။
နိုင်ငံခြားသားတွေ အတွက် နားလည်လွယ်တဲ့ သတင်းအချက်အလက်တွေကို နိုင်ငံတကာ ကျောင်းသားတွေရဲ့ အကူအညီနဲ့ နိုင်ငံခြားသားတွေ အများအပြား အသုံးပြုတဲ့ Facebook မှာ မိခင်ဘာသာစကားတွေနဲ့ ဝန်ဆောင်မှုပေးဖို့ မျှော်လင့်ထားတယ်လို့ နာဂိုယာမြို့အုပ်ချုပ်ရေးအဖွဲ့က ပြောပါတယ်။