အခုတစ်ခေါက်မှာတော့ တိုးကိုင်းဒေသမှာရှိတဲ့ ခရိုင်၄ခုရဲ့ အခြေအနေကို စုစည်းတင်ပြထားပါတယ်။ အဲဒီခရိုင်တွေမှာနေထိုင်တဲ့ နိုင်ငံခြားသားကလေးတွေရဲ့ ၁၂ ရာခိုင်နှုန်းလောက်ဟာ ကျောင်း တက်ရောက်ပြီး ပညာသင်ကြားနေသလားဆိုတာ အတည်ပြုလို့ မရသေးပါဘူး။ ပထမဆုံး Aichi ခရိုင်မှာ နေထိုင်တဲ့ နိုင်ငံခြားသားကလေးတွေ ကျောင်းတက်နိုင်ဖို့အတွက် လိုအပ်တဲ့အကူအညီတွေ တောင်းခံနိုင်တဲ့နည်းလမ်းတွေကို လေ့လာ ကြည့်ကြပါမယ်။
၂၀၂၂ ခုနှစ် မေလအထိကောက်ယူထားတဲ့စာရင်းအရ Aichi ခရိုင်မှာ ကျောင်းမတက်တဲ့ နိုင်ငံခြားသားကလေး ၆၃၂ ဦး ရှိပါတယ်။ အဲဒီခရိုင်ထဲက Chiryu မြို့မှာ ကျောင်းမတက်တဲ့ အရေအတွက် အများဆုံးဖြစ်ပြီး ၁၀၈ ဦးရှိပါတယ်။ အဲဒီနောက် Toyokawa မြို့မှာ ၇၈ ဦးနဲ့ Nagoya မြို့မှာ ၆၄ ဦး ရှိပါတယ်။
Aichi ပညာရေးဘုတ်အဖွဲ့က “မြို့နယ်အုပ်ချုပ်ရေးအဖွဲ့တွေနဲ့ ညှိနှိုင်းဆောင်ရွက်ပြီး နိုင်ငံခြားသားကလေးတွေကိုဂျပန်ဘာသာစကား သင်ကြားပေးတဲ့ မူကြိုကျောင်းတွေ တည်ထောင်တာမျိုး ဂျပန်မှာ နိုင်ငံခြားသားကလေးတွေ ကျောင်းကြီးမတက်ခင်ကတည်းက ဂျပန်စာကိုသင်ကြားနိုင်တဲ့ကျောင်းတွေ ပိုများလာအောင် စီစဉ်ပြီး ကလေးငယ်တွေ ဂျပန်ကျောင်းတွေမှာ တက်ရောက်သင်ကြားဖို့ ပိုမိုလွယ်ကူ အဆင်ပြေတဲ့ ပတ်ဝန်းကျင်တစ်ခု ဖန်တီးသွားချင်တယ်လို့ ပြောကြားခဲ့ပါတယ်။
မော်တော်ကားထုတ်လုပ်တဲ့ စက်ရုံတွေတည်ရှိရာ Chiryu မြို့မှာ နိုင်ငံခြားသားအများအပြား အလုပ်လုပ်ကိုင်ကြတာကြောင့် အဲဒီမြို့မှာရှိတဲ့ အစိုးရမူလတန်းကျောင်းနဲ့ အလယ်တန်းကျောင်း ၁၀ ကျောင်းလုံးမှာ နိုင်ငံခြားသားကလေးငယ်တွေ တက်ရောက် ပညာသင်ကြားနေပါတယ်။ Chiryuhigashi မူလတန်းကျောင်းမှာတော့ ဂျပန်စာကို အထူးဂရုစိုက်သင်ကြားပေးတဲ့ အတန်း ဖွင့်လှစ်ထားပြီး ဂျပန်ကိုရောက်ခါစ မူလတန်းကနေ အလယ်တန်းအရွယ်အထိ နိုင်ငံခြားသားကလေးငယ်တွေကို ကျောင်းမဖွင့်ခင် သုံးလအလိုမှာ ဂျပန်စာအရေးအဖတ်၊ ဂဏန်းသင်္ချာအပြင် ကျောင်းစည်းကမ်းနဲ့ ကျောင်းဓလေ့ထုံးတမ်းတွေပါ သင်ကြားပေးပါတယ်။ Chiryu မြို့မှာ နေထိုင်တဲ့ နိုင်ငံခြားသားတွေအနေနဲ့ အကြံပေးဆွေးနွေးလိုရင် 外国人相談窓（Gaikokujin Soudan madoguchi）ဖုန်းနံပါတ် 050-3092-3155 ကို ဆက်သွယ် မေးမြန်းနိုင်ပါတယ်။
Toyokawa မြို့မှာတော့ နိုင်ငံခြားသားတွေအတွက် အကြံပေးစင်တာတစ်ခုကို ထူထောင်ထားပြီး ပညာရေးဆိုင်ရာကိစ္စရပ်တွေလည်း တိုင်ပင်နိုင်ပါတယ်။ ဆွေးနွေးတိုင်ပင်နိုင်တဲ့ ဘာသာစကားကတော့ နေ့အလိုက် အချိန်သတ်မှတ်ချက် ရှိတာကြောင့် အဲဒီစင်တာရဲ့ အင်တာနက်စာမျက်နှာမှာ အသေးစိတ်အချက်အလက်တွေကို ဝင်ရောက်ကြည့်ရှုနိုင်ပါတယ်။ ဆက်သွယ်ဖို့ ဖုန်းနံပါတ်ကတော့ မြို့ရဲ့ 市民協働国際課（Shimin kyoudou kokusaika） ဖုန်းနံပါတ် 0533-89-2165 ကနေ ခေါ်ဆိုနိုင်ပါတယ်။ အဲဒီမြို့မှာ Kogitsune Kyoshitsu လို့ခေါ်တဲ့ ဂျပန်ဘာသာစကား အခမဲ့သင်ကြားပေးတဲ့ အတန်းရှိပါတယ်။ ကျောင်းတက်ဖို့အတွက် အခြေခံဂျပန်စကား ကို ဒီဂျပန်စကားသင်တန်းမှာ သင်ပေးပါတယ်။ ဂျပန်စာ အတန်းနဲ့ပတ်သက်တဲ့ အသေးစိတ် အချက်အလက်တွေကို 市民協働国際課（Shimin kyoudou kokusaika）ရဲ့ ဌာနခွဲကို ဆက်သွယ်မေးမြန်းနိုင်ပါတယ်။ ဆက်သွယ်ဖို့ ဖုန်းနံပါတ်ကတော့ 0533-89-2158 ဖြစ်ပါတယ်။
Nagoya မှာတော့ နိုင်ငံခြားသားတွေအနေနဲ့ မိမိတို့ရင်သွေးတွေကို ကျောင်းအပ်နှံလိုတဲ့အခါ မြို့တော်အုပ်ချုပ်ရေးရုံး区役所（Kuyaku sho）ရဲ့市民課（Shimin ka） မြို့တော်နေထိုင်သူများဆိုင်ရာဌာနကို လာရောက်ဆွေးနွေးဖို့ ပညာရေးဘုတ်အဖွဲ့က အကြံပြုထားပါတယ်။ ကလေးရှိတဲ့ အုပ်ထိန်းသူတွေအနေနဲ့ ဂျပန်မှာ တရားဝင်နေထိုင်ခွင့်မရှိဘဲ နေနေသည့်တိုင်အောင် ကလေးတွေ ပညာသင်ကြားခွင့်ရရှိရေးအတွက်တော့ မြို့တော်က ဦးစားပေးဆောင်ရွက်တယ်လို့ အဲဒီဘုတ်အဖွဲ့က ပြောကြားခဲ့ပါတယ်။ နေထိုင်ခွင့် ဗီဇာမရှိသူတွေလည်းပဲ 区役所（Kuyaku sho）ရဲ့ 市民課（Shimin ka）ကို ကလေးတွေကျောင်းတက်ဖို့ နည်းလမ်းနဲ့ပတ်သက်ပြီး ဆက်သွယ်မေးမြန်းကြဖို့ တိုက်တွန်းထားပါတယ်။
ကျောင်းပညာရေးနဲ့ ပတ်သက်ပြီး Nagoya International Center က ဘာသာစကားအမျိုးမျိုးနဲ့ ဆွေးနွေးအကြံပေးနေပါတယ်။ ဖုန်းနံပါတ် 052-581-0100 ကို ခေါ်ဆိုဆက်သွယ်နိုင်ပါတယ်။ ဘာသာစကားအလိုက် နေ့ရက်အချိန်သတ်မှတ်ချက် ကွဲပြားတာကြောင့် အင်တာနက်စာမျက်နှာမှာ အသေးစိတ်အချက်အလက်တွေ ကို ကြည့်ရှုနိုင်ပါတယ်။
Nishio မြို့က Tabunka Room KIBOU ဟာ မြို့မှာနေထိုင်တဲ့ နိုင်ငံခြားသားကလေးငယ်တွေအတွက် ကျောင်းပညာရေးနဲ့ ပတ်သက်ပြီး ဘာသာစကားပေါင်းစုံနဲ့ အကြံပေးဝန်ဆောင်မှု ပေးနေပါတယ်။ အဲဒီမှာ ဂျပန်စကားသင်တန်းတွေလည်း တက်ရောက်နိုင်ပါတယ်။ ဂျပန်ကျောင်းတွေမှာတက်ရင် လိုအပ်မယ့် ဗဟုသုတတွေကိုလည်း သင်ကြားပေးပါတယ်။ ဖုန်းနံပါတ် 0563-77-7457 ကို ဆက်သွယ်ပြီး စုံစမ်းမေးမြန်းနိုင်ပါတယ်။
Aichi ခရိုင်ထဲက အခြားမြို့နယ် အသီးသီးမှာလည်း မိမိတို့ရင်သွေးတွေကို မြို့နယ်အတွင်းကကျောင်းမှာ အပ်နှံလိုတဲ့ မိဘအုပ်ထိန်းသူတွေအနေနဲ့ မြို့နယ်တွင်းနေထိုင်ခွင့် မှတ်ပုံတင်ချိန်မှာ ကလေးကျောင်းတက်ဖို့အတွက်လည်း တစ်ပြိုင်တည်း လိုအပ်တာတွေကို လုပ်ထားသင့်ပါတယ်။ လိုအပ်တဲ့ လုပ်ငန်းစဉ်တွေကို မလုပ်ဆောင်ထားရင် ဒါမှမဟုတ် နေထိုင်သူအဖြစ် စာရင်းမသွင်းရသေးဘူးဆိုရင် နေထိုင်ရာဒေသက 区役所（Kuyaku sho）က အုပ်ချုပ်ရေးအာဏာပိုင်တွေနဲ့ ဆွေးနွေးတိုင်ပင်ဖို့ အကြံပြုလိုပါတယ်။

ဒီသတင်းအချက်အလက်တွေက ၂၀၂၃ ခုနှစ် ဒီဇင်ဘာလ ၁ ရက်နေ့က ရရှိထားတဲ့ အချက်အလက်တွေ ဖြစ်ပါတယ်။

အခုတစ်ကြိမ်မှာ တိုးကိုင်းဒေသ Shizuoka ခရိုင်က နိုင်ငံခြားသားကလေးတွေကျောင်းတက်ဖို့ လေ့လာကြည့်ကြပါမယ်။
Shizuoka ခရိုင်မှာ ကျောင်းမတက်နိုင်ဘူးလို့ ယူဆရတဲ့ ကလေး ၂၄၂ ဦး ရှိပါတယ်။ သူတို့ထဲက အများစုဟာ Iwata မြို့ နဲ့ Fukuroi မြို့မှာ နေထိုင်သူတွေဖြစ်ကြပြီး တစ်မြို့မှာ ကလေး ၅၀ ဦးလောက်စီ ကျောင်းမတက်ကြပါဘူး။
Sizuoka အကူအညီပေးရေးစင်တာ (静岡県多文化共生総合相談センター Shizuokaken Tabunka Kyosei Sougo Soudan center) CAMELLIA မှာ နိုင်ငံခြားသား နေထိုင်သူတွေအတွက် နိုင်ငံခြားဘာသာစကားတွေနဲ့ တိုင်ပင်ဆွေးနွေး အကြံပေးနေပါတယ်။ ဘာသာစကားအလိုက် နေ့ရက်သတ်မှတ်ချက် ရှိတာကြောင့် သူတို့ရဲ့အင်တာနက်စာမျက်နှာကို ဝင်ရောက်ကြည့်ရှုဖို့ အကြံပြုထားပါတယ်။ ဆက်သွယ်ဖို့ ဖုန်းနံပါတ်က 054-204-2000 ဖြစ်ပါတယ်။
Iwata မြို့မှာ ကျောင်းအပ်ဖို့နဲ့ တခြားပညာရေးဆိုင်ရာကိစ္စတွေ အတွက် ပေါ်တူဂီ၊စပိန် ဘာသာစကားတွေနဲ့ ဆွေးနွေးပေးတာတွေ ရှိပါတယ်။ မေးမြန်းစုံစမ်းလိုသူတွေဟာ တယ်လီဖုန်းနဲ့ဖြစ်စေ ဒါမှမဟုတ် လူကိုယ်တိုင်ဖြစ်စေ Iwata မြို့ ပညာရေးဘုတ်အဖွဲ့ရဲ့ ကျောင်းပညာရေးဆိုင်ရာဌာန (磐田市教育委員会・学校教育課・Iwatashi kyouiku iinkai-gakkou kyouiku ka) မှာ စုံစမ်းမေးမြန်းနိုင်ပါတယ်။ ဆက်သွယ်ဖို့ ဖုန်းနံပါတ်က 0538-37-4921ဖြစ်ပါတယ်။
Iwata နိုင်ငံတကာ ဆက်ဆံရေးနှင့် ဖလှယ်ရေး အသင်း Iwata Association for International Communications and Exchanges (磐田国際交流協会・Iwata kokusai kouryu kyoukai) မှာလည်း ကလေးကျောင်းအပ်နိုင်ဖို့ တိုင်ပင်ဆွေးနွေးနိုင်လို့ ရပါတယ်။ ဒီအသင်းက ကလေးကျောင်းတက်ဖို့ လိုအပ်တာတွေကို လှူဒါန်းနိုင်ဖို့ တစ်ပတ်ရစ် ကျောင်းဝတ်စုံတွေနဲ့ ကျောင်းသုံးပစ္စည်းတွေ အလှူခံထားတာ ရှိပါတယ်။ လိုအပ်သူတွေကို အခမဲ့ လှူဒါန်းပေးမှာ ဖြစ်ပါတယ်။ ဆက်သွယ်ဖို့ ဖုန်းနံပါတ်ကတော့ 0538-37-4988 ဖြစ်ပါတယ်။
Fukuroi မြို့ရဲ့ပညာရေးဘုတ်အဖွဲ့က သူ့တို့ရဲ့ ကျောင်းပညာရေးဌာနခွဲ (教育委員会学校教育課・Kyoiku iinkai gakkou kyouiku ka) မှာ ကျောင်းအပ်နှံတဲ့နည်းလမ်းနဲ့ပတ်သက်ပြီး တိုင်ပင်ညှိနှိုင်းနိုင်ပါတယ်။ ဆွေးနွေးတဲ့ဝန်ဆောင်မှုတွေကို ဂျပန်ဘာသာနဲ့ပြုလုပ်ပေးတဲ့အပြင် ပေါ်တူဂီဘာသာနဲ့လည်း ဆွေးနွေးနိုင်ပါတယ်။ ဆက်သွယ်ဖို့ ဖုန်းနံပါတ်က 0538-86-3222 ဖြစ်ပါတယ်။
နိုင်ငံခြားသားနေထိုင်သူ များပြားတဲ့ Hamamatsu မြို့မှာတော့ Naka ရပ်ကွက်မှာရှိတဲ့ အကျိုးအမြတ်ပဓာနမထားတဲ့ စေတနာ့ဝန်ထမ်းအဖွဲ့ ARACE (NPO) က ကျောင်းအပ်နှံတာနဲ့ပတ်သက်ပြီး ကူညီတဲ့အပြင် ကျောင်းမတက်နိုင်တဲ့ ကလေးတွေအတွက် Free School လို့ခေါ်တဲ့ ကလေးရဲ့လိုအပ်ချက်အလိုက် စီစဉ်သင်ကြားပေးတဲ့ကျောင်းကိုလည်း ဖွင့်လှစ်ပေးထားပါတယ်။ ဂျပန်ဘာသာ၊ ပေါ်တူဂီ ဘာသာစကားတွေနဲ့ ပညာရေးဆိုင်ရာကိစ္စတွေကို တိုင်ပင်ဆွေးနွေးနိုင်ပါတယ်။ ဆက်သွယ်ဖို့ ဖုန်းနံပါတ်က 090-6593-8447 ဖြစ်ပါတယ်။
အဲဒီ Naka ရပ်ကွက်က NPO Filipino Nagkaisa အဖွဲ့ကလည်း ဖိလစ်ပိုင်နိုင်ငံသားတွေအတွက် Tagalog နဲ့ Bisaya စကားတွေနဲ့ ဝန်ဆောင်မှုတွေ ပေးနေပါတယ်။ ဆက်သွယ်ဖို့ ဖုန်းနံပါတ်တွေက Tagalog နဲ့ Bisaya ဘာသာစကားတွေအတွက် 080-4308-8380 ဖြစ်ပြီး English နဲ့ Japanese ဘာသာစကား ပြောသူတွေက ဖုန်းနံပါတ် 090-9176-8380 ကို ခေါ်ဆိုပြီး တိုင်ပင်ဆွေးနွေးနိုင်ပါတယ်။
Hamamatsu မြို့ပညာရေးဘုတ်အဖွဲ့ (浜松市教育委員会- Hamamatsu Shi Kyou Iku Iinkai) ရဲ့ ပညာရေးဆိုင်ရာ အကူအညီပေးရေးဌာနခွဲ (教育支援課- Kyouiku Shien ka) မှာ ကလေးကျောင်းအပ်နှံဖို့အတွက် ဘာသာစကားမျိုးစုံနဲ့ တိုင်ပင်ဆွေးနွေးနိုင်ပါတယ်။ တိုင်ပင်လို့ရနိုင်တဲ့ဘာသာစကားတွေ ကတော့ ပေါ်တူဂီ၊ စပိန်၊ ဖိလစ်ပိုင်၊ အင်္ဂလိပ်၊ တရုတ်နဲ့ ပြင်သစ် တို့ဖြစ်ပါတယ်။ ဒါပေမဲ့ ဘာသာစကားအလိုက် ဆွေးနွေးနိုင်တဲ့ နေ့ရက်အချိန် သတ်မှတ်ထားပါတယ်။ ဆက်သွယ်ဖို့ဖုန်းနံပါတ်က 053- 457-2428 ဖြစ်ပါတယ်။
အထက်မှာဖော်ပြခဲ့တဲ့ Shizuoka ခရိုင်အတွင်းက မြို့နယ် တွေမှာရှိတဲ့ ဂျပန်အစိုးရမူလတန်းကျောင်း ဒါမှမဟုတ် အလယ်တန်း ကျောင်းတွေမှာ မိမိတို့ရဲ့ရင်သွေးတွေကို ကျောင်းအပ်နှံလိုတဲ့ နိုင်ငံခြားသား မိဘများအနေနဲ့ ဒေသန္တရ အုပ်ချုပ်ရေးရုံး(Kuyaku sho)မှာ အိမ်ထောင်စုစာရင်းနဲ့ နေရပ်လိပ်စာ မှတ်ပုံတင် စာရင်းသွင်းတဲ့အခါမှာ ကလေးကျောင်းအပ်ချင်တဲ့မိမိတို့ ဆန္ဒကိုပြောကြားပြီး ဒီရုံးမှာပဲ ကျောင်းအပ်ဖို့ လိုအပ်တဲ့စာရွက်စာတမ်းကိစ္စကို အပြည့်အစုံ ဆောင်ရွက်နိုင်ပါတယ်။
လိုအပ်တဲ့ လုပ်ငန်းဆောင်တာတွေကို မလုပ်ရသေးတဲ့သူတွေ ဒါမှမဟုတ် မှတ်ပုံတင်စာရင်း မသွင်းထားတဲ့သူတွေအနေနဲ့ ကိုယ်အမှန်တကယ် နေထိုင်တဲ့ မြို့နယ်ရဲ့ ပညာရေးအဖွဲ့（教育委員会.Kyouiku Iin Kai）နဲ့ ဆွေးနွေးတိုင်ပင်ကြဖို့ အကြံပြုလိုပါတယ်။

ဒီသတင်းအချက်အလက်တွေက ၂၀၂၃ ခုနှစ် ဒီဇင်ဘာလက ရရှိထားတဲ့ အချက်အလက်တွေ ဖြစ်ပါတယ်။

အခုတစ်ကြိမ်မှာ တိုးကိုင်းဒေသ Gifu ခရိုင်က နိုင်ငံခြားသားကလေးတွေရဲ့ အခြေအနေကို လေ့လာကြည့်ကြပါမယ်။
Gifu ခရိုင်မှာ ကျောင်းမတက်နိုင်ဘူးလို့ ယူဆရတဲ့ နိုင်ငံခြားသား ကလေး ၁၁၃ ဦးရှိပြီး Ogaki မြို့မှာ အရေအတွက်အများဆုံး ဖြစ်တာကြောင့် ကလေး ၃၉ ဦး ကျောင်းမတက်နေပါဘူး။ Gifu မြို့မှာ ၂၂ ဦးနဲ့ Minokamo မြို့မှာ ၁၉ ဦး ရှိပါတယ်။
Gifu International Center「岐阜県国際交流センター・Gifu ken kokusai kouryuu Center」 ရဲ့ အတိုင်ပင်ခံစင်တာ 「岐阜県在住外国人相談センター・Gifuken zaijyu gaikokujin Soudan Center」 ဟာGifu မှာနေထိုင်သူ နိုင်ငံခြားသားတွေရဲ့ စိုးရိမ်ပူပန်မှုအမျိုးမျိုးကို ဘာသာစကားအမျိုးမျိုးနဲ့ တိုင်ပင်ဆွေးနွေး အကြံပေးနေပါတယ်။
ပြဿနာပေါ်မူတည်ပြီး နိုင်ငံခြားသားနေထိုင်တဲ့ ရပ်ကွက်က အုပ်ချုပ်ရေးပိုင်းတာဝန်ရှိသူတွေက ကိုင်တွယ်ဖြေရှင်းပေးပါတယ်။ နိုင်ငံခြားသားနေထိုင်သူတွေဟာ ရပ်ကွက်အုပ်ချုပ်ရေးအဖွဲ့ ကတာဝန်ရှိသူတွေနဲ့ စကားပြန်အပါအဝင် သုံးဦးသုံးဖလှယ် ဆွေးနွေး နိုင်ပါတယ်။ ဆွေးနွေးတဲ့အကြောင်းအရာတွေကို လျှို့ဝှက်ချက် မပေါက်ကြားအောင် တင်းတင်းကြပ်ကြပ် သတိထား လိုက်နာဆောင်ရွက်ပါတယ်။ တိုင်ပင်ဆွေးနွေးမယ်ဆိုရင် ဆက်သွယ်ဖို့ ဖုန်းနံပါတ်က 058-263-8066 ဖြစ်ပါတယ်။
Ogaki မြို့ရဲ့ Community Life Enhancement Division（町づくり推進課・Machi zukuri sushinka） မှာ နိုင်ငံခြားသားနေထိုင်သူတွေ မိမိတို့ရဲ့ရင်သွေးတွေကို ကျောင်းအပ်နှံလိုရင် ညှိနှိုင်းတိုင်ပင်နိုင်ပါတယ်။ ဆက်သွယ်ဖို့ ဖုန်းနံပါတ်က ပေါ်တူဂီဘာသာနဲ့အင်္ဂလိပ်ဘာသာစကားနဲ့ 0584-47-8562 ကို ဆက်သွယ်နိုင်ပါတယ်။ ဂျပန်စကားနဲ့ဆိုရင် 0584-47-8546 ကို ဆက်သွယ်လို့ရပါတယ်။ အဲဒီမြို့မှာ နိုင်ငံခြားသားမူကြိုကလေးအရွယ် အုပ်ထိန်းသူနဲ့ အတူတက်နိုင်တဲ့ ဂျပန်ဘာသာစကား သင်တန်းနဲ့ ကျောင်းနေတဲ့အခါ ကျောင်းမှာ အဆင်ပြေအောင် သိသင့်သိထိုက်တဲ့ ကျောင်းစည်းကမ်းလုပ်ထုံးလုပ်နည်း ဆိုင်ရာအချက်အလက်တွေကို သင်ကြားပေးတဲ့ 「きらきら教-“Kirakira kyoshitsu”」ဆိုတဲ့ နာမည်နဲ့ သင်တန်းလည်း ရှိပါတယ်။ ဒီအတန်းတွေနဲ့ပတ်သက်ပြီး ဆွေးနွေးဖို့အတွက် အထက်ဖော်ပြပါ ဖုန်းနံပါတ်တွေကို ဆက်သွယ်နိုင်ပါတယ်။
Gifu မြို့ရဲ့ School Safety Support Division 「学校安全支援課・Gakkou Anzen Shienka」မှာ ကျောင်းပညာရေးနဲ့ပတ်သက်ပြီး ဆွေးနွေးတဲ့ ဝန်ဆောင်မှုပေးပါတယ်။ ဆက်သွယ်ဖို့ ဖုန်းနံပါတ်က 058-214-2316 ဖြစ်ပါတယ်။ ဂျပန်ဘာသာနဲ့သာ ဆွေးနွေးနိုင်ပါတယ်။
Minokamo မြို့မှာ ပညာရေးဆိုင်ရာဘုတ်အဖွဲ့ (教育委員会・Kyouiku Iin Kai) က ကလေးတွေကို ကျောင်းအပ်နှံတာနဲ့ပတ်သက်ပြီး ဆွေးနွေးအကြံပေးနေပါတယ်။ သူတို့က ဂျပန်ကျောင်းတွေမှာ ပထမဆုံးအကြိမ် ကျောင်းအပ်မယ့် ကလေးတွေအတွက် သိသင့်သိထိုက်တာတွေကို ပညာသင်ပေးတဲ့အတန်းတွေကို ဖွင့်လှစ် ထားပါတယ်။ Kobi မူလတန်းကျောင်းမှာ「のぞみ教室- “Nozomi kyoshitsu”」လို့ခေါ်တဲ့ အတန်းဖွင့်ဖြစ်ပါတယ်။ ဂျပန်စာအခြေခံကို တတ်အောင်သင်ပေးပြီး ကျောင်းနေရင်ကြုံတွေ့ရမယ့် လိုအပ်တဲ့ အချက်အလက်တွေ တတ်လာအောင် သင်ပေးပါတယ်။ မြို့ဒေသန္တရရုံး（市役所・Shiyaku sho）ရဲ့ ပင်မဖုန်းနံပါတ် 0574-25-2111 ကို ခေါ်ဆိုပြီး （教育委員会学校教育課・Kyouiku Iin Kai Gakkou Kyouiku Ka）ပညာရေးဘုတ်အဖွဲ့ကို ဆက်သွယ်ပေးဖို့ တောင်းဆိုနိုင်ပါတယ်။
Kani မြို့မှာ ဘရာဇီးနဲ့ ဖိလစ်ပိုင်နိုင်ငံသားတွေ အပါအဝင် နိုင်ငံခြားသားနေထိုင်သူ အများအပြားရှိပါတယ်။ စေတနာ့ဝန်ထမ်း အဖွဲ့အစည်းဖြစ်တဲ့ Kani နိုင်ငံတကာ ကူးလူးဖလှယ်ရေးအသင်း「可児市国際交流協会-Kani Shi Kokusai Kouryuu Kyoukai」က ကလေးငယ်တွေရဲ့ ပညာရေးအတွက် တိုင်ပင်ဆွေးနွေးမှုတွေကို နိုင်ငံခြားဘာသာစကားနဲ့ အကြံပေးနေတဲ့အပြင် ကျောင်းပညာရေးဆိုင်ရာ ကူညီထောက်ပံ့မှုတွေလည်း ပေးနေပါတယ်။ Kani မြို့မှာသာမက ခရိုင်အတွင်း တခြားမြို့ တွေမှာ နေထိုင်တဲ့ နိုင်ငံခြားသားတွေအတွက်လည်း ဂျပန်၊ အင်္ဂလိပ်၊ Tagalog ၊ Bisaya နဲ့ ပေါ်တူဂီဘာသာစကားတွေနဲ့ အတိုင်ပင်ခံ ဝန်ဆောင်မှုတွေ ပေးနေပါတယ်။ ဆက်သွယ်ဖို့ ဖုန်းနံပါတ်မှာ 0574-60-1122 ဖြစ်ပါတယ်။
Gifu ခရိုင်အတွင်းက မြို့ရွာတွေမှာနေထိုင်ပြီး မိမိတို့ရဲ့ရင်သွေးတွေကို ဂျပန်အစိုးရမူလတန်း ဒါမှမဟုတ် အလယ်တန်း ကျောင်းတွေမှာ အပ်နှံလိုတဲ့ နိုင်ငံခြားသားမိဘများအနေနဲ့ မြို့ရွာရပ်ကွက် အုပ်ချုပ်ရေးရုံးမှာ အိမ်ထောင်စုစာရင်းနဲ့ နေရပ်လိပ်စာ မှတ်ပုံတင် စာရင်းသွင်းတဲ့အခါမှာ ကျောင်းအပ်ချင်ရင် ပြောကြားပြီး ဒီရုံးမှာပဲ ကျောင်းအပ်ဖို့ လိုအပ်တဲ့စာရွက်စာတမ်းကိစ္စကို အပြည့်အစုံ ဆောင်ရွက်နိုင်ပါတယ်။
လိုအပ်တဲ့ လုပ်ငန်းဆောင်တာတွေကို မလုပ်ရသေးတဲ့သူတွေ ဒါမှမဟုတ် အိမ်ထောင်စုစာရင်းကို မှတ်ပုံတင်မထားတဲ့သူတွေအနေနဲ့ ကိုယ်အမှန်တကယ် နေထိုင်တဲ့ မြို့နယ်ရဲ့ ပညာရေးအဖွဲ့（教育委員会-Kyouiku Iin Kai）နဲ့ ဆွေးနွေးတိုင်ပင်ကြဖို့ အကြံပြုလိုပါတယ်။

ဒီသတင်းအချက်အလက်တွေက ၂၀၂၃ ခုနှစ် ဒီဇင်ဘာလက ရရှိထားတဲ့ အချက်အလက်တွေ ဖြစ်ပါတယ်။

အခုတစ်ကြိမ်မှာ တိုးကိုင်းဒေသ Mie ခရိုင်ကို လေ့လာ ကြည့်ကြပါမယ်။
Mie ခရိုင် အရာရှိတွေဟာ ခရိုင်တွင်း ကျောင်းမတက်ဘဲ နေနေတာ ဖြစ်နိုင်တဲ့ ကလေး ၉ ဦး ရှိတယ်လို့ သိရှိခဲ့ပါတယ်။
အဲဒီခရိုင်မှာ နိုင်ငံရပ်ခြားနေထိုင်သူတွေအတွက် ပညာရေးပိုင်းနဲ့ နေ့စဥ်ဘဝဆိုင်ရာ စသဖြင့် ပြဿနာအမျိုးမျိုးကို ဆွေးနွေးညှိနှိုင်းပေးဖို့ အတွက်「みえ外国人相談サポートセンター・Mie Gaikokujin Soudan Sapoto Center」ကို တည်ထောင်ပေးထားပါတယ်။ ဆက်သွယ်ဖို့ ဖုန်းနံပါတ်က 080-3300-8077 ဖြစ်ပါတယ်။
Yokkaichi မြို့ဟာ Mie ခရိုင်တွင်းက ဒေသတွေထဲမှာ နိုင်ငံခြားသား နေထိုင်သူဦးရေ အများဆုံးဖြစ်ပါတယ်။ အဲဒီမြို့မှာ နိုင်ငံခြားသား ကလေးတွေအတွက် ကျောင်းအပ်နှံတာအပါအဝင် ပညာရေးဆိုင်ရာကိစ္စရပ် အလုံးစုံကို ဆွေးနွေးအကြံပေးနေပါတယ်။ အခြေခံ ဂျပန်စာသင်တန်းတွေနဲ့အတူ ကျောင်းနေရင် ကျောင်းမှာသိရမယ့် အချက်အလက်တွေကို သင်ပေးတဲ့ အတန်းတွေကို ဖွင့်လှစ်သင်ကြားပေးပါတယ်။ အသေးစိတ်သိရှိအောင် Yokkaichi မြို့ ပညာရေးဘုတ်အဖွဲ့ထဲက လမ်းညွှန်ပေးမယ့်ဌာန（四日市市教育委員会指導課・Yokkaichi Shikyouiku Iinkai Shidouka）ရဲ့ ဖုန်းနံပါတ် 059-354-8255 ကို စုံစမ်းမေးမြန်းနိုင်ပါတယ်။
Tsu မြို့ကျောင်းပညာရေးဌာန（学校教育課・Gakkou Kyouiku Ka）က နိုင်ငံခြားသားနေထိုင်သူတွေ တိုင်ပင်ချင်တာ တိုင်ပင်ဖို့အတွက် ဘာသာစကားမျိုးစုံနဲ့ ဆောင်ရွက်ပေးပါတယ်။ ဖုန်းနံပါတ် 059-229-3146 ကို ဆက်သွယ်စုံစမ်းနိုင်ပါတယ်။ Tsu မြို့ဟာ နိုင်ငံခြားသားကလေးတွေအတွက် ဂျပန်ဘာသာစကားသင်တန်းတွေ ကိုလည်း ပံ့ပိုးပေးနေပါတယ်။ သင်တန်းတွေနဲ့ပတ်သက်ပြီး သိရှိလိုတယ်ဆိုရင် လူ့အခွင့်အရေးဆိုင်ရာပညာရေးဌာန 「人権教育課・Jinken Kyouiku Ka」059-229-3253 ကို ခေါ်ဆိုနိုင်ပါတယ်။ ဒီဝန်ဆောင်မှုနှစ်ခုလုံးကို ဂျပန်ဘာသာနဲ့သာ လုပ်ပေးနိုင်ပါတယ်။
Suzuka မြို့မှာရှိတဲ့ 「愛伝舎- Aidensha」လို့ခေါ်တဲ့ အကျိုးအမြတ် ပဓာနမထားတဲ့ စေတနာ့ဝန်ထမ်းအဖွဲ့အစည်းက ပေါ်တူဂီ၊ အင်္ဂလိပ် ဘာသာစကားတွေနဲ့ နိုင်ငံခြားသား နေထိုင်သူတွေကို တိုင်ပင်ဆွေးနွေး အကြံပေးနေပါတယ်။ တိုင်ပင်ဆွေးနွေးချင်ရင် Facebook နဲ့ အီးမေးလ်တွေကနေ ဆက်သွယ်ရင် ဆောင်ရွက်ပေးပါတယ်။ အသေးစိတ် သိရှိလိုတယ်ဆိုရင် သူတို့ရဲ့ အင်တာနက်စာမျက်နှာကို ဝင်ရောက်လေ့လာပါလို့ တာဝန်ရှိသူတွေက ပြောပါတယ်။
Iga မြို့မှာရှိတဲ့ 「伊賀の伝丸‐Igano Tsutamaru)」လို့ခေါ်တဲ့ အကျိုးအမြတ် ပဓာနမထားတဲ့ စေတနာ့ဝန်ထမ်းအဖွဲ့အစည်းကလည်း နိုင်ငံခြားသားကလေးတွေနဲ့ နိုင်ငံရပ်ခြားနဲ့ ဆက်စပ်နေတဲ့ ကလေးတွေကို ကူညီထောက်ပံ့ပေးနေပါတယ်။ ဖုန်းနံပါတ် 0595-23-0912 ကိုဆက်သွယ်ပြီး ဘာသာစကားမျိုးစုံနဲ့ တိုင်ပင်ဆွေးနွေးမှုတွေ ပြုလုပ်နိုင်ပါတယ်။
Mie ခရိုင်အတွင်း မြို့နယ်ရပ်ရွာတွေမှာနေထိုင်တဲ့ နိုင်ငံခြားသား မိဘများအနေနဲ့ ဂျပန်အစိုးရမူလတန်း ဒါမှမဟုတ် အလယ်တန်း ကျောင်းတွေမှာ မိမိတို့ရဲ့ရင်သွေးတွေကို အပ်နှံလိုတယ်ဆိုရင် ဒေသန္တရအုပ်ချုပ်ရေးရုံးမှာ အိမ်ထောင်စုစာရင်းနဲ့ နေရပ်လိပ်စာ မှတ်ပုံတင် စာရင်းသွင်းချိန်မှာ ကျောင်းအပ်ချင်တဲ့မိမိတို့ဆန္ဒကို ပြောကြားပြီး ဒီရုံးမှာပဲ ကျောင်းအပ်ဖို့လိုအပ်တဲ့ စာရွက်စာတမ်းကိစ္စကို အပြည့်အစုံ ဆောင်ရွက်နိုင်ပါတယ်။
လိုအပ်တဲ့ လုပ်ငန်းဆောင်တာတွေကို မလုပ်ရသေးတဲ့သူတွေ ဒါမှမဟုတ် မှတ်ပုံတင်စာရင်း မသွင်းထားတဲ့သူတွေအနေနဲ့ ကိုယ်အမှန်တကယ် နေထိုင်တဲ့ မြို့နယ်ရဲ့ ပညာရေးအဖွဲ့（教育委員会）နဲ့ ဆွေးနွေးတိုင်ပင်ကြဖို့ အကြံပြုလိုပါတယ်။

ဒီသတင်းအချက်အလက်တွေက ၂၀၂၃ ခုနှစ် ဒီဇင်ဘာလက ရရှိထားတဲ့ အချက်အလက်တွေ ဖြစ်ပါတယ်။