NHK ورلڈ > آئیے جاپانی بولیں > اردو نشریات کا صفحہ اول > گُر کی باتیں > صفت + SÔ (سبق 17)

گُر کی باتیں

صفت + SÔ (سبق 17)

جیسا کہ OMOSHIROSÔ (یہ دلچسپ معلوم ہوتا ہے) میں، اگر آپ SÔ کے بعد اسم صفت کا اضافہ کرتے ہیں تو کسی چیز کو دیکھنے یا سننے کے بعد جو آپ اندازہ لگاتے ہیں یا سوچتے ہیں اُس بارے میں بات کر سکتے ہیں۔

سبق 13 میں ہم نے آپ کو بتایا تھا کہ جاپانی زبان میں دو طرح کے اسم صفت ہوتے ہیں۔ ان میں سے ایک ’’I ‘‘ اسم صفت کہلاتے ہیں۔ ان کا اختتام ‘‘I’’ پر ہوتا ہے جیسا کہ OMOSHIROI (دلچسپ) اور ISOGASHII (مصروف)۔ دوسری قسم NA اسم صفت ہیں۔ وہ جب تبدیل شدہ اسم سے پہلے آتے ہیں تو ان کے ساتھ NA لگتا ہے۔ HIMA(یعنی فارغ یا جس کے پاس کرنے کو کوئی کام نہ ہو) اِن میں سے ایک ہے۔

جب آپ اندازہ لگانے کا لفظ SÔ, لگاتے ہیں ’’I ‘‘ اسم صفت کے ساتھ تو آپ ’’I ‘‘کو SÔ میں تبدیل کرتے ہیں۔ مثال کے طور پر ISOGASHII (مصروف)، ISOGASHISÔ(مصروف دکھائی دینا) بن جاتا ہے۔


اسم صفت کے لیے آپ ان کے ساتھ صرف SÔ لگاتے ہیں۔ مثال کے طور پر HIMA
یعنی فارغ ہونا ، HIMASÔ
(یعنی لگتا ہے فارغ ہیں یا لگتا ہے اس کے پاس کرنے کو کوئی کام نہیں)بن جاتا ہے۔
اب میں آپ کو بتاتی ہوں کہ SÔ کو منفی شکل میں تبدیل کیسے کرتے ہیں۔ ’’ I‘‘ اسم صفت میں آپ ’’ I‘‘ کو KU NASASÔ میں تبدیل کرتے ہیں۔ مثال کے طور پر ISOGASHII (مصروف)، ISOGASHIKU NASASÔ (مصروف نہیں لگتا) بن جاتا ہے۔


NA اسم صفت میں آپ اسم صفت کے بعد DEWA NASASÔ لگاتے ہیں۔ مثال کے طور پرHIMA (فارغ ہونا) HIMA DEWA NASASÔ (فارغ نہیں لگتا) بن جاتا ہے۔
آپ این ایچ کے، کی ویب سائیٹ چھوڑ دیں گے